ПСИХОЛОГТАР СТУДЕНТТЕРГЕ ЕМТИХАН АЛДЫНДАҒЫ КҮЙЗЕЛІСТЕН АРЫЛУҒА КӨМЕКТЕСТІ
№3 қалалық емхана базасында профилактикалық және әлеуметтік-психологиялық көмек бөлімінің қызметкерлері елордалық білім беру мекемелерінің студенттерімен тренинг өткізді. «Стресссіз емтихан» тақырыбындағы іс-шараны астаналық емхана психологтары жыл сайын өткізеді. Биылғы жылы 350-ден астам колледж оқушылары қатысты.
Жалпы алғанда емханада 30 мыңнан астам орта және жоғары оқу орындарының оқушылары бекітілген. Олардың 0,1 %-ы жыл сайын оқу сессиясын тапсыру кезінде психологиялық көмекке жүгінеді. 16-20 жастағы жастарға қорқынышты, үрей мен жүйке кернеуін жеңе білу қиынға соғады. Медиктердің басты міндеті – жастарды емтихан алдындағы толқудан туындаған күйзеліс күйінен арылту.
«Емтихан – бұл өте маңызды үдеріс. Оның нәтижелеріне көп нәрсе байланысты. Алайда оның маңыздылығын асыра бағаламаңыз. Егер алынған баға күтілгеннен өзгеше болса, оны барлық үміттер мен ұмтылыстардың күйреуімен бірге қабылдай отырып, алға ұмтылыңыз. Емтихан алдында және уақытында өзіңізді алаңдатпаңыз, өйткені толқу тіпті жақсы зерттелген ақпаратты ұмытуға ықпал етеді. Керісінше, өзіңізді тыныштандырып, өз күшіңізге сенуге тырысыңыз», – деді Нұр-сұлтан қ. №3 Қалалық емхананың профилактикалық және әлеуметтік-психологиялық көмек бөлімнің меңгерушісі Жібек Қостанова.
Емтихан тапсыру студент өміріндегі өте қызықты оқиға болып табылады. Кейде бұл күйзелістік жағдайға әкелетіндіктен, тіпті ең озат студенттің өзі қарапайым заттарды есіне түсіре алмайды. Психологтардың пікірінше, мұндай қадамды болдырмау қажет. Психологтардың емтихан алдындағы тренингтері мен кездесулерінің арқасында бұл мүмкін болады. Жастардың психологиялық денсаулығы №3 қалалық емхана жұмысындағы басты міндеттердің бірі болып табылады. Мекеме құрылған сәттен бастап медицина мамандары қаланың студент жастарының денсаулығына қамқорлық жасап келеді. Бүгінгі күні емхананың жоғары білікті мамандары медициналық қызметтердің кең спектрін көрсетеді: алдын алу, диагностика және емдеу.
ҚБ маманы Мира БІЛӘЛОВА,
+77770777939
