Экс-шенеуніктің баласы 15 қабаттан секіріп кетті

Президент әкімшілігінің басшысы болған Аслан Мусиннің ұлы Асылбек  Мусин Латвияда терезеден секіріп, қайтыс болды. Бұл ақпаратты Сыртқы істер министрлігі де растады.

Экс-шенеуніктің баласының қазасы жайлы қаралы хабарды  Telegram желісінде саясаттанушы Талғат Қалиев хабарлаған.

«Өлімнің себебі сараптамадан кейін ғана белгілі болмақ. Полиция оның өзіне өзі қол салған болуы мүмкін екенін жоққа шығармайды», — деп жазған Талғат Қалиев

(суретте Аслан Мусин)

Еске салайық, Аслан Мусин 2008-2012 жылдары ҚР Президенті Әкімшілігін басқарды. Ал 2014 жылдан  2017 жылдың қаңтарына дейін Қазақстанның Хорватиядағы елшісі болды. Бірақ зейнет жасына келуіне байланысты бұл қызметтен босатылды.