Мемлекет басшысының тапсырмасына сәйкес ҚР Оқу-ағарту министрлігі Бала құқықтары жөніндегі уәкілмен бірлесіп 2026–2030 жылдарға арналған «Қазақстан балалары» тұжырымдамасын әзірледі.

 Қазақстанда 6,9 млн бала тұрады (ел халқының 34%). Соңғы 10 жылда балалар саны 1,5 млн-ға артты, бұл балалық шақ саласында жүйелі әрі ұзақ мерзімді шешімдерді қажет етеді.

 Құжат әрбір баланың қауіпсіздікке, білімге, денсаулыққа және әлеуметтік қорғауға деген құқықтарын қамтамасыз етуге бағытталған және 2030 жылға дейінгі мемлекеттік шараларды бірыңғай жүйеге біріктіреді.

 Тұжырымдама 158 іс-шара мен 10 негізгі индикатор арқылы іске асырылады, бұл ашықтық пен нақты нәтижелерге қол жеткізуді қамтамасыз етеді.

 Алғаш рет баланы цифрлық сүйемелдеу тетігі енгізіліп,  онлайн қауіпсіздік күшейтіледі,  инклюзивті орта дамытылады,  медициналық және оңалту қызметтері кеңейтіледі.

 Әлеуметтік қолдау тиімді әрі атаулы болады, оның ішінде  балаларға тегін жол жүруді кезең-кезеңімен енгізу көзделген.

 Сонымен қатар құқық бұзушылықтың алдын алу,  психологиялық қолдау және  жеке сүйемелдеу тетіктері күшейтіледі.

 «Қазақстан балалары» – әрбір бала үшін қауіпсіз, қорғалған және тең мүмкіндіктерге ие балалық шақты қамтамасыз етуге бағытталған кешенді мемлекеттік бастама.