Аудан әкімі ағаш отырғызып, тұрғындарды аң-таң қылды

БҚО Бөкей ордасы ауданының Бисен ауылында ат жарысы өтті. Бұл туралы «Орда жұлдызы» газетінің әлеуметтік желідегі парақшасына жарияланды.

Ауыл шаруашылығы күніне арналған шарада алдымен аудан әкімі Нұрлан Рақымжанов көшет отырғызу акциясына қатысты. Қатысып қоймай, өзі де күрек ұстап, сауапқа кенелді. Сондай-ақ, асыл тұқымды малдың көрмесі, түрлі спорттық шаралар ұйымдастырылды.

Бөкейордалықтар аламан бәйге мен тай жарысын көріп, аударыспақ, арқан тартыс, қазақша күресті тамашалап, бір серпіліп қалды.