Әскерге барған жігіт ант беру рәсімінде қызына сөз салды

18 қаңтарда ҚР ІІМ Ұлттық ұланының 6506 әскери бөлімінде ант қабылдау рәсімі өтті. Еліміздің әр  өңірлерінен   400-ге жуық жас сарбаз қосылды. Бұл туралы ҚР ІІМ Ұлттық ұланы «Оңтүстік» өңірлік қолбасшылығының баспасөз қызметі хабарлады.

Бұл маңызды іс-шараға  сарбаздардың туған-туыстары мен жақындары да қатысты.

— «Бүгін біздің әскери бөлімде салтанатты күн. Әрбір жауынгер үшін әскери ант — бұл өмірдің бұзылмайтын Заңы, одан ешқандай шегініс болмайды. Ант қабылдай отырып, әскери қызметші Қазақстан халқына және оның заңды түрде сайланған Президентіне адал болуға, Қазақстан Республикасының Конституциясы мен заңдарын қасиетті сақтауға, өзіне жүктелген міндеттерді сөзсіз орындауға міндеттенеді. Сіздерді осы айтулы оқиғамен құттықтаймын және алдағы қызметте табыс тілеймін», — деді 6506 әскери бөлімінің командирі  Марат Оралұлы.

Жас сарбаздардың бірі қатардағы жауынгер Ақжол Рамазан Алматы қаласынан шақырылды. Ол   қызметтестерінің алдында сөз сөйлеу құрметіне ие болды.

— «Отанға адал болуға ант берген күн өмірде бір рет болады. Әскери ант мәтінінде сөз көп емес, бірақ олардың терең мағынасы бар. Мен өз Отанымыздың игілігі үшін әскери борышымызды абыроймен және ынтамен орындаймыз деп сенім білдіремін», — деді жас ант беруші.

Іс-шараға Алматы қаласынан шақырылған қатардағы жауынгер Руслан Андреев ерекше назар аударды. Мерекенің ортасында ол сүйіктісіне өмірлік жары болуға сөз салды. Бұл әсерлі сәт рәсімнің нағыз ерекшелігі болды. Бақытқа толы оның сүйіктісі қуанышпен келісіп, жалпы патриоттық көңіл-күйге романтикалық әсер қосты.

Құттықтаулардан кейін жасұландықтар, әскери оркестрдің үнімен қадам басып, командирлері мен ата-аналарының алдында салтанатты шерумен өтті.

Айта кетсек, ант берген сарбаздар жақын арада Шымкент және Түркістан көшелерінде қоғамдық тәртіп пен қауіпсіздікті қамтамасыз ету бойынша міндеттерді орындауға кіріседі.

А.Орынғали