Қазақстанда жеңілдетілген шартпен ипотека алуға болады

Осыған орай қазіргі кезде 17 заңға өзгеріс енгізіліп жатыр, деп хабарлайды Экспресс К.

«Отбасы банктің» Орталық филиалының директоры Жансұлтан Матайдың айтуынша, банк ұлттық даму институтына айналған кезде әрбір азамат өзінің табысына сәйкес, Үкіметтен бір рет жеңілдетілген шартпен үй алуға мүмкіндік алады.

«Қазір «Тұрғын үй қатынастары туралы» заңға сәйкес, алғашқы жарнасы 10 пайыз, ал үстемақысы 2-5 пайыз болатын жеңілдетілген несиені 12 санаттағы азаматтар ғана ала алады. Енді жаңа заң күшіне еніп, банк толыққанды ұлттық институтқа айналса, онда әрбір отбасының табысы белгілі бір мөлшерден төмен болса, Үкіметтен бір рет жеңілдетілген шартпен үй алуға мүмкіндігі пайда болады», — деді Жансұлтан Матай.