Айгүл Иманбаева ұтысын тоқтатты (ВИДЕО)

Әнші, актриса Айгүл Иманбаеваның ұтыс ойынын ұйымдастырушылардың да былығы бастан асады, деп хабарлайды Jurnalist.kz «Астарлы ақиқат» бағдарламасына сілтеме жасап. 

Әншінің ән жинағын өткізу үшін бейкүнә бүлдіршіндерді пайдаланған ұйымдастырушылар қайырымдылық жасаймыз деп алдап кеткен. 

«Бағдарламаға келгеннен кейін ары ойланып, бері ойланып, заңгерімді ертіп бардым да, төтеден бір-ақ қойдым. Жігіттер, қыздар, мәселе былай. Мен мына акцияны тоқтатуларыңды және халыққа ақшаны қайтаруларыңды талап етемін. Олар келісті. Енді бұны ұйымдастырып отырған ұйымдастырушылар халықпен өздері есептеседі. Мен өзім осылай шештім»,-деді Иманбаева бағдарлама барысында. Оның бұл әрекетіне лотерея төңірегіндегі түйткілдер әсер еткен көрінеді.