«Ақжайық» шипажайына баратын жол жөнделуде

Шипажай директоры Альберт Сафуллинің сөзінше, жыл санап келушілер саны артуда.  Көршілес облыстармен қатар, Ресей жерінен ат терлетіп келетін қонақтар қатары көбейген. Былтыр 3357 адам ем-дом алып, сауықтыру орталығының қызметіне жүгінген. Бұл 2017 жылғы көрсеткішпен салыстырғанда 157 пайызға артқан.

Биыл облыс әкімдігінің қолдауымен 241 млн теңге бөлініп, жол жөндеу жұмыстары басталған. Мердігер компания «ДостықСпецТранс» ЖШС құрылыс жұмыстарын 1 қазанға дейін аяқтауды жоспарлап отыр.