«Халық банк» өкілдері әскери бөлімдерді неге аралап жүр?
Шымкент қаласындағы ҚР ІІМ Ұлттық ұланының 6506 әскери бөлімінде маңызды кездесу өтті. Іс-шараға әскери қызметшілер мен “Халық банкінің” өкілдері қатысты. Бұл кездесу қаржылық мекеме мен әскери бөлім арасындағы ынтымақтастықты нығайту жолындағы маңызды қадам болды, қоғамның түрлі секторлары арасындағы өзара әрекеттестіктің маңыздылығын көрсетті.
Іс-шара барысында бірлескен жұмыстың маңызды аспектілері мен болашақтағы ынтымақтастық мүмкіндіктері талқыланды. Әсіресе, “Халық банкінің» демеушілік көмегіне ерекше назар аударылды. Банк бригада клубы үшін 2 570 000 теңге тұратын LED экран сатып алды. Бұл бастама техникалық базаны жаңғыртуға және әскери қызметшілер үшін қызмет ету жағдайларын жақсартуға бағытталған, сондай-ақ олардың моральдық рухы мен жауынгерлік дайындық деңгейіне оң әсерін тигізеді.
Әскери бөлім командирі полковник Марат Рахпанов «Халық банкінің» өкілдеріне әскери бөлім инфрақұрылымын дамытуға қосқан баға жетпес үлесі үшін шынайы алғысын білдірді. Ол мұндай қолдаудың жеке құрам үшін қолайлы жағдай жасауға маңызды рөл атқаратынын атап өтті.
Кездесу соңында «Халық банк» өкілдері әскери бөліммен әрі қарайғы ынтымақтастық пен қолдауға дайын екендіктерін растады. Бұл олардың әлеуметтік жауапкершілігі мен мемлекеттік құрылымдармен серіктестік қатынастарды дамытуға бейілділігін көрсетеді. Бұл кездесу ұйымдар арасындағы байланысты нығайтып қана қоймай, бірлескен күш-жігер әскери қызметшілердің қызмет ету жағдайларын жақсартуға және кәсібилігін арттыруға қалай ықпал ете алатынын көрсетті.
А.Орынғали
