ХХ ғасырда қолданылған тыңшылық құрылғылар

Тыңшылар туралы көркем фильмдерде құпия құжаттарды білдірмей суретке түсіруге болатын немесе күзетшілерді үн-түнсіз дымын өшіруге көмектесетін керемет құрылғылар көрсетіледі. Мысалы, әйгілі «Агент 007» Джеймс Бондтың кейбір фильмдерінде «ақылды» сағаттар, жасырын камералар мен жазғыштар, тіпті ұшуға мүмкіндік беретін джетпак бар. Бұл құрылғылардың көпшілігі ойдан шығарылған, бірақ бүгінде әлемдегі кейбір тыңшылар мен детективтер осыған ұқсас гаджеттерді қолданды. Бүгінгі таңда бұл тыңшылық құралдар өзектілігін мүлдем жоғалтты және мұражайларда сақтаулы. Sarbaz.kz тыңшылық заттардың фотосуреттерін және олардың қолданылу мақсатына тоқталып өтеді.

LUCKY STRIKE ТЫҢШЫЛЫҚ КАМЕРАСЫ

Кез келген тыңшының немесе детективтің ең маңызды құралдарының бірі – жасырын камерасының болуы. Бұрын-соңды болмаған камералардың ішіндегі ең түпнұсқасы – Mast Development компаниясының құрылғысы. Ол 1949 жылы шығарылған, Lucky Strike темекі қорабы ретінде жасырылған құрылғы.

Ол әскери мақсатта арнайы жасалған, бірақ оны ешкім қолданбаған көрінеді. Қораптан шығарылған «темекі» – бұл камераны басқару түймелері. Құрылғының ішіне 16 мм таспа орнатылған, оны 18 кадрға дейін түсіруге болады. Камерамен бірге кіріктірілген Ohio safety сіріңке қорабы беріледі. Жарық өлшегіш – 20 ғасырда бұл құрылғы түсірілген заттардың жарықтығын өлшеу үшін қажет болды.

Lucky Strike камерасының екі данасы ғана шығарылған. 2015 жылғы мәліметтер бойынша, олар Бонхамс аукционына 40-тан 65 мың доллар аралығында сатылған. Оларды біреудің сатып алғаны да, сатып алмағаны да белгісіз.

STEINECK КАМЕРАСЫ БАР САҒАТ

ХХ ғасырда жасырын камерасы бар тағы бір құрылғы болды. Оны 1948 жылы Steineck компаниясы жасаған. Алыстан қарағанда адамның білегіндегі қарапайым қол сағаты сияқты. Бірақ мұқият қарасаңыз, камераның кішкене линзасын байқауға болады. Тыңшылар сағатына үңіліп тұрғандай көрінуі мүмкін, бірақ арнайы түймесін басып, шағын суретке түсіріп тұрады. Құрылғы 1951 жылға дейін қызыл қорапта сатылды және жеке детективтер арасында өте танымал болды.

DORYU 2-16 МЫЛТЫҚ ТӘРІЗДІ КАМЕРА

Жоғарыда аталған камералар жұрт назарын өзіне аудармау үшін қарапайым зат ретінде жасырылған. Бірақ 1954 жылы жапониялық инженерлер жасаған doryu 2-16 камерасы да еріксіз таң қалдырады. Ол тапанша түрінде жасап шығарылған.

Doryu 2-16 камерасы кәдімгі тапанша сияқты жұмыс істейді, бірақ зақым келтірмейді, тек 16 мм пленкаға не болып жатқанын түсіріп алады. Құрылғының тұтқасында алты магний картриджімен зарядталған журнал болды. Олар мылтықтың жоғарғы жағынан атып, айналадағы кеңістікті жарықтандырады. Ашық жерде бәрін 15 метр қашықтықта, ал бөлмеде – 20 метр қашықтықта жарықтандыруға болады.

Сыртқы түрі үрей тудыратын камераны полиция қылмыстарды жазып алу үшін пайдаланады деп болжанған. Алайда, ол ешқашан пайдалануға берілмеген, сондықтан ерекше тапанша камерасы өз заманында еркін сатылымға шығарылыпты. Қазір ол сатылымда жоқ, бірақ коллекционерлер бұл модельді сайттардан шамамен 10 мың долларға таба алады.

ӘЛЕМДЕГІ ЕҢ КІШКЕНТАЙ КАМЕРА

Тағы бір тыңшылық құрылғыны италиялық дизайнер Джампаоло Ферроның туындысы деп атауға болады. Диаметрі 25 миллиметр болатын сақинаға ол объективті орналастырып қойған, оның көмегімен алты фотосуретті білдірмей түсіруге болады. Ferro GF81 әлемдегі ең кішкентай камера ретінде саналады.

МИКРОФОНЫ БАР ШПИОНДЫҚ АЯҚ КИІМ

Тағы бір тыңшылық жабдық – аяқ киімнің табанына орнатылған микрофоны бар құрылғы. Ол 1960 жылдары қолданылған. Құрылғы өкшеден түйреуішті алу арқылы іске қосылды, содан кейін айналадағы дыбыстар жақын маңдағы станцияға жіберіледі. Бүгінгі таңда кіріктірілген микрофоны бар аяқ киім АҚШ-тың Вашингтон қаласының ортасында орналасқан 2002 жылы ашылған халықаралық тыңшылық мұражайында қойылған.

ТАПАНШАСЫ БАР ШПИОНДЫҚ ҚОЛҒАП

Екінші дүниежүзілік соғыс кезінде АҚШ-та өте жасырын қару – қарапайым қолғапқа салынған тапанша жасалды. Атыс қаруының көмегімен тыңшылар нысананы арқасынан қақса, ол өліп құлайды. Алайда, мұндай қулық-сұмдықты кез-келген адам жасай алмайды, өйткені саусағын абайсызда атып алуы мүмкін.

КІРІКТІРІЛГЕН ТАПАНШАСЫ БАР ЕРІН ДАЛАБЫ

Ерін далабы тәрізді тапанша да болғаны рас оқиға. Мұндай құрылғының көшірмесі халықаралық тыңшылық мұражайына да қойылған және бір қарағанда нәзікжандылардың косметикасына ұқсайды. Мұндай көзге түспейтін нәрсені кез-келген жерге апаруға болады. Нысанаға 4,5 мм оқ ату үшін ерін далабын оның денесіне тигізсе болғаны.