«Әскердегі бір күнім»

Егеменді еліміздің тыныштығын және бейбітшілігін қорғау, бұл әр азаматтың қасиетті борышы екендігі белгілі.

Іс-шараның басты мақсаты — өскелең ұрпаққа патриоттық сезім ұялату, дұрыс бағыт-бағдар беру, жастардың өз елі, өз жеріне деген сүйіспеншіліктерін арттыру және де ерлік көрсеткен батырлардың бойындағы ержүректілік, Отан сүйгіштік, ұлтжандылық қасиеттерін дәріптеу болып табылады.

Осы орайда, Арыс қаласының «Ішкі саясат бөлімі» ММ-і «Жастар ресурстық орталығы» КММ-нің ұйымдастыруымен, қаламыздағы 35748 әскери бөлімінде Арыс қаласы «Білім бөлімі» мемлекеттік мекемесіне қарасты жалпы білім беретін мектеп оқушылары мен АӘД жетекшілерінің қатысуымен «Әскердегі бір күнім» атты ашық есік күні ұйымдастырылды.

Ұйымдастырылған ашық есік күні аясында оқушыларға әскери бөлім аумағындағы әскери нысандармен, жауынгерлік техникалармен, офицерлер мен сержанттар түрлі қару түрлерімен ұрысты жүргізуге арналған құрылғылармен таныстыру өткізіліп, сонымен қатар, әскери киім үлгілерімен және қару-жарақ түрлерімен жақырынақ танысып, қолдарымен ұстап көрді.

Шара соңында «Мұрагер» республикалық қоғамдық бірлестігі Бейбітшілік шарты әскери күштері ардагерлерінің мүшелері жастарды отансүйгіштікке, ұлтжандылыққа, өз елі мен жерін қастерлеп, қорғауға шақырды және болашаққа бағыт-бағдар берді.

А.Орынғали