Әскерге шақырушылар теңіз жаяу бригадасына аттанды

Шымкенттің әскерге шақырылушылары Ақтау қаласының теңіз жаяу бригадасына қызмет етуге аттанды. Бұл туралы Шымкент гарнизонының баспасөз қызметі хабарлады.

Қалалық жинақ бекетінде отыз бес әскерге шақырылушыны салтанатты түрде шығарып салу рәсімі ұйымдастырылды. Психологиялық тестілеуден, бақылау медициналық тексеруден өткен және қалалық әскерге шақыру комиссияларының оң шешімін алған балалар әскери істің негіздерін еліміздің жалғыз теңіз жаяу әскерлері бригадасына зерделеуге жіберіледі. Сарбаздар жауынгерлік машинаның көздеушісі мен механик-жүргізушілерінен басқа барлық лауазымдарда мерзімді әскери қызмет атқаратын әскери бөлімдердің бірі екен атап өткен жөн.

Салтанатты шығарып салуды қорғаныс істері жөніндегі департаменті ұйымдастырды. Балаларды шығарып салуға қоғамның түрлі салаларының, әкімдіктен, Қарулы күштердің, ауған соғысының, жергілікті қарулы қақтығыстар ардагерлері мен «Аналардың жүрегі» сарбаз аналар комитеті» РҚБ өкілі Шарифа Муминова қатысты.
Қонақтарды қарсы ала отырып, қалалық қорғаныс істері департаментінің бастығы полковник Әбдіғабит Шегебаев жігіттерге сәтті жетіп, әскери қызметке кірісуді тіледі. Ол әскери қызмет барлық уақытта әрбір азаматтың қасиетті міндеті болып қала беретінін атап өтті.
— Сіздер үшін алдағы жыл – маңызды өмірлік кезең. Осы уақыт ішінде сіздер әскери-есептік мамандық алып, нағыз Отан қорғаушысы боласыздар, – деп түйіндеді ол.
Қалыптасқан дәстүр бойынша «Қарулы күштер ардагерлері» қалалық кеңесінің төрағасы отставкадағы полковник Серікбай Оңбаев сөз сөйледі. Ол әрбір ер адамның өмірінде мерзімді әскери қызмет өткерудің маңыздылығын атап өтті.
— 18 бен 27 жас аралығындағы әрбір ер адам әскердегі мінезін тәрбиелеу мектебінен өтуге міндетті. Шынында да, жақын адамдардың маңыздылығын мен шынайы достықтың құнын түсінбестен, ер адамға болашақ өмірде қандай да бір нәтижеге жету өте қиын болады. Біз жыл сайын сіз сияқты жүздеген жастарды шығарып салып, күтіп аламыз. Мен өз тәжірибемнен айтайын, олар бала болып кетеді, бірақ қайтарда нағыз жауынгерлер мен ер-жігіт болып оралады. Абыроймен қызмет етіңіздер, — деп толықтырды отставкадағы полковник Серікбай Оңбаев.
Әскери бөлімнен әскерге шақырылушыларды алып кетуге келген гвардия капитаны Бексұлтан Алдаберген ата-аналар мен жиналған қонақтармен сәлемдесуден бастады. Ол бригаданың бай тарихы мен жауынгерлік жолы туралы айтып, жақын арада барлық әскерге шақырылушылар үлкен және ұйымшыл әскери ұжымның құрамына кіретінін атап өтті.
— Жақын арада сіздің таза азаматтық әдеттеріңіз бен мінез-құлық стиліңіз бар ұлдарыңыз әскери түзеу мен тәртіпке ие болады. Әскерде олар көп нәрсені үйренеді. Қызмет барысында алған дағдылар оларға азаматтық өмірде де пайдалы болатынына күмәнім жоқ. Біздің әскерге шақырылушыларға айтарым, қиындықтардан қорықпау және болашағыңызда көп көмегі тиетін тәжірибені аянбай жинау, — деп қорытындылады гвардия капитаны Бексұлтан Алдаберген.
Құрметті қонақтар мен туыстардан басқа, болашақ жауынгерлерді қолдау ұшін әскери-техникалық мектептің, «Жас Сарбаз» әскери-патриоттық сыныптарының тәрбиеленушілері мен қала жастары, сондай-ақ гарнизонның әскери оркестрі келді.
Айта кетсек, бүгінгі таңда күзгі шақыру науқаны аясында мегаполистен 18 бен 27 жас аралығындағы 200-ге жуық жас ҚР ҰҚК Шекара қызметінің қатарына шақырылды. Ал жалпы 31 желтоқсанға дейін Шымкенттен 1000-нан астам жас жігітті шақыру жоспарланған.

А.Орынғали