Арал маңындағы қала әлемдегі ең қорқынышты жерлердің бірі деп танылды
Танымал телеарна жариялаған «Әлемдегі ең қорқынышты жерлер» тізімінде Қарақалпақстанның Мойнақ қаласы 11-орынды иеленді. Бұл туралы sputniknews.kz хабарлады CentralAsiaға сілтеме жасап.
Кемелердің зираты аталып кеткен, Арал маңында орналасқан Мойнақ қаласы (Өзбекстан) Fox News телеарнасы жариялаған «Әлемдегі ең қорқынышты жерлер» тізіміне енген.
Бұл тізімде Мойнақ 11-орынды иеленді. Бұрын Арал теңізі көлемі жағынан әлемде төртінші орында болды.
Арал теңізінің тартылуы қауіпті экологиялық апаттардың біріне айналды.
Бүгінгі таңда теңіздің 90 проценті құрғап, шөлге айналған теңіз түбінде даттанған кемелер құмға батып жатыр. Сондай-ақ әлемдегі ең қорқынышты жерлер тізімінде Англиядағы Солтүстік теңіз жағалауында орналасқан Маунселл қамалы да бар.
