Путин «Үшінші дүниежүзілік соғыс бола ма?» деген сұраққа жауап берді
Ресей президенті Владимир Путин «тікелей желі» барысында Үшінші дүниежүзілік соғыстың болу мүмкіндігі жайлы сұраққа жауап берді. Бұл туралы sputniknews.kz хабарлады.
Ресей президенті өңірлік соғыстар «онда да, мұнда да» тұтануы мүмкін екенін атап өтті, алайда Екінші дүниежүзілік соғыстан кейін әлем бір-біріне құрмет көрсетуге мәжбүр болып отыр.
«Десек те жаһандық қақтығыстар болған жоқ. Неге? Өйткені әлемде жетекші әскери державалар арасында стратегиялық тепе-теңдік орнады. Қанша жерден құлаққа түрпідей тисе де шындықты айтайын: бір-бірімізді жойып жібереміз бе деген қорқыныш жетекші әскери державаларды өктем іс-әрекеттер жасаудан тыйып, бір-бірін құрметтеуге мәжбүрледі», — деп жалғастырды Ресей президенті.
Оның айтуынша, АҚШ-тың Зымыранға қарсы қорғаныс келісімшартынан шығуы – осы стратегиялық тепе-теңдікті бұзуға деген талпыныс. Дегенмен Ресей қару-жарағының қазіргі жүйесі бұл тепе-теңдікті сақтайды, деген сенімде Путин.
