Дүкен иесі қарыз дәптерді жыртып, ауылдастарының берешегін кешірді (видео)

Батысқазақстандық кәсіпкер ораза айында қайырымдылық жасап, дүкеніне берешегі бар ауылдастарының  қарызын кешірді, деп хабарлайды jurnalist.kz

БҚО Бөкей ордасы ауданының орталығы Сайқын ауылының тұрғыны Әзбек Мұхитов әлеуметтік желі арқылы жерлестеріне қарыз дәптерді жыртып жатқан бейнежазбасын жолдап, ертеңнен бастап жаңа дәптер арнайтынын мәлімдеді.

Әзбек Мұхитовтың айтуынша,  ол ауыл тұрғындарының 63 685 мың теңге азық-түлік бойынша қарызын кешірген. Бұдан бөлек,  карантин басталғалы пәтерақы, дүкеннен жалға орын алғандарға да кешіріммен қарап, тегін тұруға мүмкіндік берген.

Кәсіпкердің мұндай қадамға баруына Шешенстандағы мұсылмандардың қайырымдылық эстафетасы әсер еткен.