Санаулы минуттан соң Қасым-Жомарт Тоқаевтың инаугурациясы басталады

9 маусымда Қазақстан президентінің сайлауында 70,96 пайыз дауыс жинап, жеңіске жеткен Қасым-Жомарт Тоқаевты бүгін  ұлықтау рәсімі болады. Салтанатты сәт Нұр-сұлтан қаласында Тәуелсіздік сарайында өтеді.

Қазақстан халқына ант беріп, Президенттің куәлігі тапсырылған соң Қасым-Жомарт Тоқаев мемлекеттің жаңа басшысы ретінде ресми түрде қызметіне кіріседі.

Бүгінгі 12 маусымдағы инаугурация — Тәуелсіз Қазақстан тарихындағы алтыншы ұлықтау рәсімі.  Қазақстанның Тұңғыш Президенті 1991 жылы алғаш рет ант берген болатын. Ол кезде салтанатты рәсім 10 желтоқсанда Алматыдағы Республика сарайында өткен болатын.