Теректінің қиярын-ай

Батыс Қазақстан облысының Теректі ауданының қияры саттыққа шықты. Бұл туралы zhaikpress.kz хабарлады.

Орал қаласымен екі ортадағы күре жолдың бойында Подстепный ауылының тұсынан жолаушыларға арнап кемпинг салған «Жайық Жасыл Желек» ЖШС нысанның аумағынан жылыжай тұрғызған.

Серіктестік басшысы Арман Ғаббасовтың айтуынша, 1 140 шаршы метр жерді алып жатқан жылыжайға  табиғи газ қосылған. Биыл бірінші рет бақша салып отыр. Әзірге қияр ғана өсірілуде. Өзге көкөністерді де өсіруді жоспарлауда.

Серіктестік құрылыс пен жылыжайдың жұмысы үшін отыз шақты адамды еңбекпен қамтып отыр.