Иіскейміз, бірақ тиіспейміз!

Түркістан облысында сирек кездесетін Грейг қызғалдақтары гүлдеп жатыр. Қызыл кітапқа енген өсімдікті жұлуға болмайды. Мемлекет қорғауындағы алқап Шымкент қаласынан 3 шақырым жерде орналасқан.

Ал Ақтөбеге көктем биыл әдеттегіден ерте келді. Қарауылкелді ауылының маңындағы Әулие бөгетіне аққулар қонды. Сұлулық пен кіршіксіз сезімнің нышанына айналған құстар өңір табиғатына ерекше реңк бергендей. Табиғаттағы бұл әсем көрініс халықты да сүйсінтті, әрі көктемнің көркем келбетін айшықтай түсті.

А.Нәби

ФОТО: Ашық дереккөз