Мәжілістің экс-депутаты Мақсат тойына келгендерге пәтер мен көлік сыйлаған

Қазір әлеуметтік желіде экс-депутаттың тойының видеосы  таралып, қонақтарға пәтер мен көлік, қымбат телефон сыйлағанын ел-жұрт талқылап жатыр.

Экс-депутат Мақсат Раманқұлов  50 жасын дүрілдетіп өткізген. Көптен көрінбей кеткен «Ескі Қазақстанның» өкілдері де тойға шақырылыпты.

Тойда МузАРТ, Raim, Ерке Есмахан, Қайрат Нұртас, Өзбекстанның әншілері, Ресейден келген «Мираж» тобы, Германиядан келген Bad Boys Blue тобы ән шырқаған.

2021-2023 жылдары Парламент Мәжілісінің депутаты болған Мақсат Раманқұлов кәсіпкер екен. Әсіресе, ұлттық спортқа қолдау көрсетеді. Су тасқыны кезінде де ол 50 отбасына  5 млн теңгенің  гуманитарлық көмегін жіберіпті. Түрлі қайырымдылық жасайды екен.

А.Нәби