БҚО әкімі үшін Президент халықтан жоғары ма? (видео)

«Менің лауазымым бойынша тек қана Президент шешім қабылдайды». Үкіметтің дәлізінде журналистер сұрағына жауап берген Батыс Қазақстан облысының әкімі осылай деді.

Соңғы кезде әлеуметтік желіде Ғали Есқалиевтің отставкаға кетуін талап еткен жазбалар көбейді. Әсіресе, өңірде жол мәселесі өте күрделі. Шалғай аудандарға қатынайтын күре жолдардың құрылысы уақытылы  аяқталмай, жергілікті тұрғындар зардабын тартуда. Сондай-ақ, жуырда облыста бірнеше елдімекенді су басып, халық әбігерге түсті.

Орал қаласына премьер-министр келеді деген әңгіме де соңғы кезде жиі айтылып жүр. Батысқазақстандықтар әлеуметтік желіде Үкімет басшысы сапарында  «әкімді  ауыстыра ма» деген болжамдарын жазуда.