Қазақстандық оқушылар мектеппен маусым айында қоштасады

Еліміздің білім ошақтарында соңғы қоңырау шарасы әдеттегідей мамыр айының соңында емес, 3-4 маусым күндері өтеді, деп хабарлайды jurnalist.kz.

Бұл туралы ҚР Премьер-Министрінің бірінші орынбасары Ералы Тоғжанов онлайн брифинг барысында мәлімдеді. «Мектептерде аттестат табыстау мен соңғы қоңырау шарасы 3-4 маусым күндері ашық аспан астында өтеді. Онда адам саны шектеліп, санитарлық нормалар қатаң сақталуы тиіс», — деді Премьер-Министрдің бірінші орынбасары. Оның сөзінше, 3,3 млн оқушы және колледждер мен ЖОО-лардың 1 млн студенті оқу жылының соңына дейін қашықтан білім алуды жалғастырады. Ал ұлттық бірыңғай тестілеу жоспарлы түрде өтпек.