Елордадағы 9 қабатты үйдің лифтісін салуды ұмытып кеткен

Бұл туралы журналист Бақытнұр Әлібай өзінің әлеуметтік желідегі парақшаларына жариялады. Елордадағы көпқабатты тұрғын үйлердің бірінің қасында тұрған ол жеделсатының сырттан салынып жатқан сәтін көрсеткен.

«Менің артымда тұрған мына үйлер. Бұл үйлердің қызығы сол, құрылысы біткен проблемалы үйлер ғой. Бір құрылыс компаниясы проект жасатып алып, кейін 9 қабат қылып жіберген, Енді біткен үйдің сыртынан лифт салып жатыр. 9 қабатты үйге лифт салуды ұмытып кеткен ғой. Сол лифті енді сыртынан салып жатыр. Елестетіңізші, сырттан жүріп жатқан лифт. Қысты күні қатып қалмаса болды», — деді журналист.