Халық әртісінің тойы Түркияда тойланды

Қ.Қожамияров атындағы мемлекеттік академиялық Ұйғыр музыкалық комедия теарының Түркиядағы гастрольдік сапары жалғасуда /30 қазан — 6 қараша/.

Өнер сапары Адана және Анкара қаласында КСРО халық артисі Құддыс Қожамияровтың 100 жылдығына  арналған концертпен басталды. Мерейтойды Халықаралық Түрксой ұйымы ұйымдастырған.

Ұйғыр театры Түркияға театрландырылған үш концерттік бағдарлама алып барған. Шығармашылық құрамда режиссер Мурат Ахмадиев, Мухит Изимов, балетмейстер Эльмира Сайдуллаева,  Кураш Раджап, сценарист Ризвангуль Ашимова, суретші Гузель Мамединова бастаған дарын иелері бар.  Сондай-ақ,  «Нава» фольклорлық ансаблі, «Рухсарә» би ансамбльдері де өнер ұжымының шашбауын көтеруде.