Жиналыста кітап оқып отырған Сағадиев Премьер-министрден сөз естіді

Үкіметтің кезекті жиынында Алматының  әкімі Бауыржан Байбек сейсмикалық құжаттардың білім министрлігінде ұзақ қаралып жатқанын, соған байланысты қаланың бас жоспарын бекіте алмай отырғанын мәлімдеді.

Байбектің баяндамасынан кейін Үкімет басшысы білім және ғылым министрі Ерлан Сағадиевтен осы мәселеге қатысты жауап беруді сұрады.

«Ерлан Кенжеғалиұлы, жауап беріңіз. Не себепті кешеуілдеп жатыр? Әкім баяндамасында қаулы жобасы келісуден өтпей жатыр деп айтып өтті, — деді Сағынтаев министрге қарап.

Алайда Сағадиев мырза баяндаманы тыңдамаған болуы керек,  Сағынтаевтың не сұрап отырғанын да түсінбей, жан-жағына жалтақтады.

«Баяндаманы тыңдамайсыз ғой… Жарайды, баяндама кім үшін айтылып отыр сонда? Үкіметте не үшін талқылауға саламыз, егер де оның бәрін тыңдамайтын болса», — деп ашуланды Сағынтаев.

Ал жиыннан кейін Ерлан Сағадиев журналистерге 6-сыныптың жаңадан шыққан дүние тарихы оқулығын оқып отырғанын айтып ақталды.

 

 

6 комментариев

  1. Да. Завтра начнется ент. Он наверное об этом думал.

  2. Аяулым

    Ертең ҰБТ басталады ғой, соны ойлап отырған болар

  3. Жанайым

    Келесі жылы шығатын кітапты тексеріп отыр ма?

  4. Читал учебник. Это хорошо. Лично читал. Заметьте!
    Басқа емес, оқулықтарды оқып отырғаны қуантты. Кітаптарды өзі қарап, тексеретіні жақсы емес пе?

  5. Айманка

    Кейбір шенеуніктер болса, қолдарындағы қалта телефондарын шұқылап отырады, ал Білім министрінің кітапты парақтап отырғанында не бар екен?! Енді соны да сенсация қыласыздар ма?!

  6. Дархан

    Кітап оқып отыр гой, жұрттар уйқтап та отырады гой))

Жауап жазу Айманка Қайтып алу

email адресіңіз жарияланбайды *

*