Бөкейорда мен Жәнібекке ұшақ шығарылады

Батыс Қазақстан облысының шалғай аудандарында шағын әуежай салынады. Бұл туралы «Жайықпресс» ақпарат орталығы хабарлады.

Облыстық жолаушылар көлігі және автомобиль жолдары басқармасы басшысының орынбасары Қазбек Меңеевтің сөзінше, әуежай Бөкейорда,  Жәнібек, Казталов аудандарының   орталығына салынбақ.  Осылайша, Орал мен екі ортаға тұрғындар ұшақ арқылы қатынайтын болады.    Әзірге, қандай әуе компаниясының қызмет көрсететіні, ұшу  кестесі белгісіз.

Қазбек Меңеевтің айтуынша, Орал мен Жәнібек бағытындағы  күре жолға асфальт төсеу жұмыстары да жалғасуда.  Аудан аумағындағы  Өнеге  ауылына дейін жол салудың жобалық-сметалық құжаты биыл жасалмақ.  Алдағы  4-5 жылдың төңірегінде  шалғай ауданға тас жол төсеу жұмыстары толық  аяқталады деп  жоспарланып отыр.

Пікір жазу

email адресіңіз жарияланбайды *

*